Page 10 - Ses oeuvres - Marcel Moreaux
P. 10

À LA FANTÉNE


            Çu n’est m’ la pôune là, mi d’j’vu l’dis,
            Pou voir des r’vues d’aller päyi
            Dj’ans mieux tchiûz nous des nos villadges
            Des les fanténes – ah! qué ramadges!
            Pou bin counnette les èvên’ments
            Ètrez in poû, v’srez au courant.


            V’ourez causer d’tous les sudjets
            Soit en patois, soit en français.
            Les faits divers, la politique
            Bin mieux traités qu’ des les chroniques
            Èt su la moûde dan, qué malheur,
            Elles ramadgeant co bin des heures.

            Si ç’atout co pou dère du bin.
            Nenni, a lavant leus gadins
            Elles noircichant à médisant
            La bounne réputâtion des dgens.
            Dju l’â dit, c’est des vraies gazettes
            Elles nu tâjant m’ leu margoulette.

            Èt c’est toudjous bin officiel
            Tous leus ramadges confidentiels.
            Arins-v’ oï dère des l’ villadge
            Qu’ la Marie fàt mauvais mènadge.
            El Henri frèquente soi-disant
            Aveu la deuxième du Gros-Djean.




            10
   5   6   7   8   9   10   11   12   13   14   15