Dju
m’souvins d’eune voûyette qui dônout drî les méches
Peûs
cheujout des holières èt s’mussout d’dès l’bochet.
Dju
m’y vois co couri, achôrant les mouchets
Pou
z’y cude des meûrans, des pernelles èt des fréches.
Dju m’souvins d’eune voûyette
Et n’sacante côps, dj’la r’grette.
Dju
m’souvins d’eune voûyette, atère les neujètis
Qu’an
cheujout tout gamin a r’vunant des ècoles.
I
fayout mou bon qu’pa des côps les djônes droles
Pou
z’y voir les djônettes y triplint co v’lèti.
Dju m’souvins d’eune voûyette
Et d’eune première boutchette.
C’est pa çute voûtette-là qu’in bé côp dj’â parti...
M’â-dj’ rutôné des côps pou voir la mai du m’man
Qui
d’au lon m’fayout signe du méche drî la mâjan :
Les
m’mans sont mou a sougne à voir quitter leû p’tit.
Et dju
m’souvins d’eune voûyette
Où c'qü dj'n'â m'
brâ qu'eune miette.
Quand dj'a-n'avous pèsant èt qü dj'touffous
d'annoûye,
Dj'â
traquè bin des tch'mins pou m'dèqueure dè ma pône.
Dj'â
bouchi à des huches, mâs dj'n'â trouvè pèchône
Pou
m'rapâji d'mes sougnes èt m'rumette su la voûye.
Gn'è
qu'au tchu d'ma voûyette
Qü dj’m’â
r’trouvé tout’nette.
Ah
coumme dj’atous bin-âje rin qu’a r’voyant d’au lon
El
tûté d’la mâjan catchîe d’dès les peumîs
Et
l’méche, dan, aveu M’man qui cherbout ses arîes
A
m’ratèdant, noum’dan : elle avout l’tèps si long...
Dju m’souvins d’eune voûyette
Où c’qü d’jmartchous bin raide.
P’pa
èt M’man atant voûyes, l’Ban Djeu lès è r’hutchis,
Mâs
dju r’prins co v’lèti la voûyette drî les méches.
Dj’y
r’vois co n’sacante côps des afants cude des fréches
Et
pou s’y rabrassi, dès djônes dgens s’y catchi.
Mi,
d’jy r’vique ma djônesse èt tchèque côp drî la hâye,
Dj’m’r’tônè pour tchertchi in tuté, eune
feumâye
Et co n’mai qui m’f’rout signe, dju n’sais
co m’apétchi...
Dju m’souvins
d’eune voûyette...
Gn’è m’ in
djou qu’dju n’la r’grette!
in Les
paumes su les èteûles, Michel Frères,
Virton, 1961, pp 23-24.
Enregistrement communiqué par le Musée
Gaumait. Merci à Didier et Magali!)
