Page 14 - La boot dè sau - Cafè Suisse
P. 14
Les rêves raclos
À la flamme qui s’afèle d’ène bougie qui s’ èteinde,
Au darin sursaut d’vie, tout djusse avant d’mouri,
L’ heûre n’ est pus d’ accompli les rêves qu’on è nûris,
Ces bîs handîs d’dimatche qu’en noir on va d’voir teinde.
Qui n’è nôsu viqui, au moument d’quitter l’monde
Qui n’è fât què d’bronquer, ses voyadges das sa tîte,
Aveu pou horizon les meurs autou dè s’dgîte,
Doûrout, pareil au s’lo, fin d’trajet, roudgi d’honte.
V’ èchampèl’rez les çades dè ses sondges coumme dè s’corps
Mais pouquoi v’tchagriner? Dè crier, v’arinz toûrt
Su n’ pâdge lâyîte en blanc, su l’vûde d’ène existence.
Das n’ vie n’ volant m’dè pus qu’in tuquî, qu’ène ragosse,
Ses rêves, costumes dè fîte, ses rêves, costumes dè noce,
V’là, nodant l’rafroumé, dè s-n aumare, l’hèritance!
12
