Page 43 - Ses oeuvres - Marcel Moreaux

LES LAMENTÂTIONS D’IN VÎ CARBEAU

Dj’arâ bintôt cent ans, dju coummence à grijner
Ainsi en vî corbeau, dju pus à raconter.
Si dj’avous eune bounne pleume, dju fârous in roman
Du tout çu quü dj’â veû des les bos des les tchiamps.
Les bés contes du m’djoûne tèps, ça s’rout des ècrits gais
L’histoire du mes vis djous nu s’rout m’ bin sûr pareille.
In agace quü des dgens avaint apprivoiséi
M’è dit qu’les hoummes aussi ataint bin tracasséis
I sant coumme nous victimes des nouvelles inventions
Tout plé souffrant, l’hivér, du bin des privâtions.
Carbeaux, tourtous l’ètéi, binagi dj’a sortans
An put neurri chix p’tits si an n’est m’ fainèyants
Malheureus’ment aux neidges, s’i faut casser la croûte,
C’est bin rare du trouver des belles crottes su la route.
Des l’tèps, su tous le t’ch’mins, en plout toudjous s’abatte,
Partout des tâs feumants nous ratchiaufaint les pattes.
À l’affut des les âbes, dj’avins lu tèps d’tchoisi
Les crottes des gros bayards èt an plout s’a r’pachi.
Dju m’a-n â bin bourré du grosses gavâyes d’avoûne.
Aneu, gratter les boules, bin ça n’vaut pus la poûne.
Dju n’sais ç’qu’an baille aux bêtes pou les atertunu,
Des graines du cèrèâles, an n’a voit caus’met pus.
L’aute djou, dj’â dècatchi in grand véche solitaire.
An s’est battu a sept pou l’avoir; ventre à terre
Arrive ène grosse machine; dj’ans bin du nous sauver
El véche, dussus la route, dju l’ans abandounéi.
Quand tourtous au pus vite su la place dj’ens r’voléi,

43