Page 29 - Les paumes su les èteules

À Luc et Odette

Le bonheur n’est pas un événement,
C’est une aptitude.
Jules de Gaultier

El bounheûr

N’ tchertche des côeps bin lon sès sondji qui gn’arout
Pou cude in bé doquèt souvèt qu’ à tède la mê.
Bin-âji du l’cude, mais
(Quand èt coummèt, sait-on jamais?)
Vaut mieux aneût qü d’mai,

Èt qu’couri les leum’rettes èt d’tcheûr su l’ loup-garou.
L’doquèt qui n’dèflorit m’ est fat d’ pitits bounheûrs.
An les vique tous les djous èt gn’è qu’à s’a neûrri :
C’est l’ sulo qui clârtit,
C’est l’ étoile qui blauwtit
Èt l’afant qui v’ sourit,
C’est d’dès les üyes qu’an z’aime toudjous les mêmes lueûrs.

An tchértche in grand bounheûr, peûs quand on l’è trouvè,
An n’ sait toudjous bin fâre tout c’ qui faut pou l’ wârdi.
An dôerout l’ rèpaugni,
N’ mi l’ lâyi rafradi.
Mâs quand’ on n’sait l’sougni,
An l’ galvaude, an l’dèchère, an l’champèle à tout vèt.

Heûreûx ou malheûreûx,
Les cés qui n’ voyant qu’ zoux nu l’sant jamais tout’ nette
Paç’ qu’i clôejant leû cœûr ou n’a douvrant qu’eun’ crâye.
Is’ baillant bin d’awôrde,
A n’ plutchant qu’ d’dès les fleûrs,
D’ racassi des cuchôrdes
Mâs les fleûrs sètichant quand’ èl’ manquant d’ rouzâye.

C’ qui fât qu’ la vie vaut bin la pôene qu’an la viquiche,
C’est qu’elle peut ’ne sacante côep a-n’ alleumèr des autes;
Ca gnè p’têt’ qu’in bounheûr, c’est l’ cé qu’ an baille aux autes
Èt c’ti-là pou l’ bailli, gn’è m’ dijette qu’an l’ aviche.

27