Page 11 - La boot dè sau - Cafè Suisse
P. 11
La vie qui câgne
L’annâye sas plôve,
Méche dèvint trûche,
L’âwe manque au pûje
À setche el pauve!
L’ gadet s’ crevasse
Dèri l’passeau,
Au coi d’ène saû,
L’roncin rêvasse
D’in filet d’chou
Et mi dj’ m’afâgne
Das les frèchous
D’ène vie qui câgne.
El vat nous moûne
Où ç’ qu’ i veut bin.
Coumme ça lî toûne,
On n’y peut rin!
Messin, tahu,
I plûrè d’mi?
Què m’ fat l’ lond’mî
Si c’est an’hû
Qu’ant soi mes fleurs
Et què dj’ m’ afâgne
Dèdas les leûres
D’ène vie qui câgne.
9
