Page 34 - moreaux-m--Rec2

Des faits divers...! C’est-i sérieux ça? C’est-i des
nouvelles?... Mais i gn’ è à rire! C’est toudjous des crimes, des
assassinats, des tueries, des accidents, des suicides, des
homicides... des pan... dicides, des vols, des tromperies!... El
ceu qui vu s’tuer, qui s’tuiche! El ceu qui pérde la vie en auto,
en avion, qui r’vèdiche sa machine. El ceu qu’est brulèy, qui
s’assuriche!... D’dès ma gazette, pont d’faits divers... méme pa
20 degrés zous zéro!
Les cours du la Bourse!... N’a causans m’... C’est des
attrape-nigauds. La ruine des mènadges. Ça èt les rèclames... la
bourse ou la vie!... C’est des ramasse-sous... Mi dj’vus rester in
pur. Avu la conscience vierge... C’est âque du râre aneû! Rin
d’tout ça d’dès ma gazette.
Les sports, les cinémas... les théâtes... ! Pernans les sports...
c’est d’la roulure noume... Allo, aux courses, n’y a n’è jamais
qu’inque qu’arrive premî... Les matches... les perdants sant
toudjous du méme coteï !
Mais pour s’fâre acanailli ... èh bin i faut aller au cinéma.
Mi... d’jâ dépensè d’pus d’300 francs pou voir la méme pièce.
Ç’atout eune scène d’amour... si sentimentale qu’à in moument,
deux amoureux... qué affaire... deux amoureux s’tchicânint èt
çà tchaûffont tell’ment qü l’boun’ami sortout ès’ revolver! Èt
djusse coumme i visout la fille, in train passout d’vant... au pus
bé passadge... alors an s’demandout si l’avout eû!... Tous les
djous, dj’arlous voir lu film, espèrant bin qu’in djou el train
arout du r’tard!... Dj’a ètu rouleï. I passout toudjous à la méme
heure... au pus bé passadge... Si bin qü, quand an z’è tchiédgi
l’programme, dju n’savous co si l’avout eû! 300 francs
d’foutus... c’est du vol.
Et bin mi dju n’vus m’ tromper les dgens... Rin d’tout ça
d’dès ma gazette!
Les feuilletons!... V’la co des trucs du dèmon!... qué
gueuzeries! An s’aime, an s’tue, an s’ravique, an s’marie!... Des
bêtises qü les feummes sant aradgies d’lire... elles rattèdant

-32-