Page 23 - Ses oeuvres - Marcel Moreaux
P. 23
EL MAÛ D’VÈTE
Souvet pou rire en sociètéi
An doit raconter des histoires.
Çu n’est m’ toudjous des vèritéis.
Pourtant, c’est in vrai fait du gloire
Quü dj’va franch’ment vu racontéi.
Dj’atous coumme voisin invitéi
À la noce du la fîlle Grégoire.
El djou d’avant, dju n’â m’ dormi;
An m’avout dit : «Chançard, comme fille,
C’est la plus belle qu’on t’a mis.
De plus, elle venait de la ville.»
Vraiment dju fins la pus belle part
En chic toilette èt nû costume,
Mais mu bounheûr, fatal hasard
Fut coûpé net, avant la brume.
Dj’atins gaiment en train d’dîner
Èt dj’arrivains à la salade,
Dju m’a-n avous si tant bourré
Quü m’ vète gonflé duv’nout malade.
D’sorti pourtant, dj’atous dgénéi
Mais d’pus a pus, dj’a-n avous hâte,
M’excusant pou tèlèphonéi,
L’moument n’atout m’ aux sérénades,
Dju file èt dj’arrive au bureau
Dju toque viv’ment pa politesse
«Y a quelqu’un», dit-on bien haut.
Dépêchez-vous, dis-je, ça presse.
Èt ça sârrout... Voyez l’tâbleau!
23
