Page 41 - Ses oeuvres - Marcel Moreaux
P. 41
EL CARBEAU ÈT EL RUNAUD
In vi crasseu carbeau
Pèlé, rougneux, plé d’maux,
V’lout s’a fourrer eune bosse
Au coin du bos d’la Fosse
Ca des sa patte i t’nout
In froumadge qui puout.
In vî chnapan du r’naud
Dètchiessi d’ Bertauvaux
Vint r’niflant conte lu vet
Pou rester en arrêt
Quand i voit l’noir corbeau
Pertchi pourtant bin haut.
— Bondjou, là, bé djacot
C’est bin vrâ, ... tu viques co?
An t’avout dit crevéi
Du vieillesse pa des l’Wei
Les djans sant bin menteurs
Ah! les varas d’blagueurs!
T’es n’mine du rècollet
T’agraches su l’ban d’Villet.
Tu fârais co des nids
Ca t’es bin radjoûni.
Si dj’avous t-n estoumac
Dju n’arous m’ l’air d’une brac.
Si dj’avous tes belles pleumes
Dju n’arous pus la rheume.
Aveu tes habill’ments
Coumme dj’ièpatrous les dgens.
41
