Page 64 - Odeur des risons
P. 64
62
La tchanson des niches bîtes
Das les peummes, les nujettes,
El vîche. sas prenre dè poûne,
Trawant ècrafes, pelettes,
À bin sa gal’rie moûne!
Das les racoins d’ pioune,
Foch’lette fât sa proum’nâde!
D’ sa quoue aveu sa foûne,
Oreille baille-te d’ awârde!
Mais d’ qué navî què s’ lîte
Das m’ cœur el blanc tcholet?
Què s’ nique au fond d’ ma tite
L’ arin tèchant s’ filet?
Pa d’zou la pî d’ in bu,
Noirabeau s’ päye ène bosse!
Not’ bu a-n n’est tout losse,
Aveu s’ n-u, d’vint zébu!
Don sang tessi d’ène bîte,
El boch’let s’ päye ène noce,
Sa panse rafèle fine grosse,
Coumme ène saulâye aux fîtes!
Mais d’ qué navî què s’ lîte
Das m’ cœur el blanc tcholet?
Què s’ nique au fond d’ ma tîte
L’ arin tèchant s’ filet?
Tout au long d’ sa navette,
Houline t-a fant l’ houhou,
Adame, rauquèle nos tchoux,
N’ wardant rin pou n’ nivette!
Bî exempe qu’ est bailli
Quand’ t’ à fât, elle nous mougne :
Tchû les pachas on s’ sougne
Et rin n’ nous est lâyi!
Mais d’ qué navî què s’ lîte,
Das m’ cœur el blanc tcholet?
Què s’ nique au fond d’ ma tîte
L’ arin tèchant s’ filet?
