Page 36 - Marcel Moreaux-oeuvres-1
P. 36
AH! L’VARA
Lu signe du note identitei
Qu’en insigne dj’allans portei;
An va l’avoir à Sainte Marie,
Su l’gros catchet d’la mairie,
C’est : l’VARA!
C’n’est m’ injurieux. Quand des amis
Vinant vous r’voir; çà fat plâgi.
Pou mieux prouvèr note affection
An leus-y dit plè d’émotion :
Ah! l’VARA!
Ça s’dit pou tout ç’qui nous surprint
Pou inque qu’à va ... pou inque qui vint.
Qu’ça alliche mau, qu’ça alliche bin;
An dit aux nouvelles qu’an z’apprint :
Ah! l’VARA!
Quand trop souvet la feumme essaie
In nû tchèpé qu’elle vint d’ach’tei
Me va-t-il bien, dit-elle, chéri?
L’houmme plus ou moins content l’i dit :
Ah! l’VARA!
Mais quand pou la sotte èlègance,
Elle sôrte la note du la Florence,
L’houmme qui n’è pus si envie d’rire
L’i lance alors dès in soupir :
Ah! l’VARA!
Bref. Dju l’dijans au lieu d’djeurei.
Coumme ça n’compte mi pou in pèchei,
-36-
