Page 14 - Ses oeuvres - Marcel Moreaux
P. 14

— El Français qu’atout si bin mins
            I m’è d’mandé si dj’l’aimous bin.
            D’ju lî â fât des uyes couvisses
            Ca i m’avout r’toûné la misse.
            Faut s’a mèfir, c’est in fîta;
            An l’è veû, c’est in cania.
            C’est la Mad’leine qu’avout n’belle cotte
            Es’ boun-ami, qué lârdge culotte
            I plant bin s’mette à deux là-d’des
            Dju n’sais si ça retrecirè!
            Si dju li avouyins tantôt
            Eune cârte comique avu Charlot?
            Mi dj’a-n arà sûr eune dumé
            I m’éme bin, i m’sârrout la mé.
            — Dère qu’i gn’ a-n è qui tapisssant
            Avu des airs du vis cassans.
            Mi si dj’dèvous rester s’les bancs
            Dju r’s’rous bintôt tchiûz mes parents.
            — Mi d’j’avous toute la tchmîje trèpéi
            Èt pou m’adormi, ça ènervéi.
            I paraît qu’ toute la neûti
            Dj’â dèpîtei not’ Mélanie.
            — Mi dj’â craqué mes nieuves jartelles.
            — Èt mi, don, perdu des dentelles.
            — Mi dj’m’ â fât prinre eune belle pochette
            I m’ l’è päyi deux grosses boutchiettes
            — Èh bin mi, quand i m’è r’mounéi
            D’j’a manqué d’pérde... ma dignitéi
            Paç’ quü dj’rètrins bin trop tard
            An z’è dit qu’j’atins des trénards.
            La clé n’atout m’ des la boète


            14
   9   10   11   12   13   14   15   16   17   18   19