Page 24 - Ses oeuvres - Marcel Moreaux

Quand c’est ainlà, bon sang ça tchiesse.
Du tant ratède, ça tôunout maû
Ca dj’avous bé sârrer les fesses!
Èt dere quü ç’trénâ-là n’ sortout m’
Tchièque coûp quü dju r’grattous à l’huche,
«Y a quelqu’un», répondout note houmme.
Faut croire qu’il avout prins n’purdge.
Malheur! dju n’a pus seû m’cont’nu,
Èt dj’â laûtchi des mes bagadges
Tout l’maû quü m’vète plout bin cont’nu
Peûs dj’â ouvri lu commun d’radge.
Alôrs, dj’â ètu bin saisi
A voyant quü l’ceu qu’atout d’des
N’atout m’ l’houmme quü dj’croyous assis
Mais seul’met... in vî perroquet.
L’ceu qu’annonçout au magasin
Les clients à la mère Grégoire
Pou ête tranquille an l’avout mins
Au cabinet... èt v’là l’histoire!

24