Page 33 - La boot dè sau - Cafè Suisse

Dè s’vrai nom, Jeuseuph Coulignon

L’Jeuseuph Coulignon, ça v’ dit âque? Vès sondgez sûremat au
patron don «Gletton»? V’atez co roulés in côp! Paç’ què l’ mienne, on
p’lout compter su les doigts d’ ène seûle mî les dgens qui l’coun’chint pa
ç’nom-là. Mais si v’ les-y d’mandinz s’ i-l avint dindjà oyi causer don
Berdjolet, tout d’chûte, i s’ressaisichint : «El Berdjolet? Bin qui qu’ c’est
qui nè l’couneut!»
I-l atout don pays des ramons, dè Méche si v’veulez. El Méche de
l’Adelson où ç’ qu’ on cause note patois, mi l’aute don coté où ç’ qu’
on halmaude l’ allemand!
El Berdjolet atout in pau drole. Djè n dis m’ què ç’atout in drole
paç’ qu’ i n-y è n’ sacrée diffèrence atère les deux. Ête drole, en pus’
dè bizarre, ça veut dère aussi ête dèrandgi, èn’ mi avoir sa tîte à lu.
Tandis qu’ si v’dijez: «c’est in drole», vès v’lez fâre compenre què
c’est in farce, inque qu’amuse la galerie (el Tchophile Dessoy, el
Natole Deville s’ i faut v’bailli des exempes). l n’y a-n è co d’ aucuns
qui dijant «note drole» à causant d’ zoû gachon ou d’zoû frère qui
n’est m’ toudjous raisounnable ou qui n’a fât qu’à sa tîte, dgenre
nûjôle, quoi!
Mais ervènans à nos ugnons. Coumme el Berdjolet dijout lu-mime,
i-l atout fou d’ la heure. Au moins inlà on s’ comprend èt on n’risque
mi d’ s’afâgni das ç’ què les savants noummant la sèmantique.
Note houmme passout d’taps à aute au Cafè Suisse, manière dè
s’fâre rinci pa la pratique. On lî payout vlati ç’ qu’i-l îmout l’mieux :
don noir vara! C’est inlà qui hutchout l’ vin roudge.
Mais pou avoir droit à s’verre, on y mettout des conditions. Les
djônes dgens, pou s’bailli don plâji, lî fint fâre toutes soûrtes dè tous.
I l’macheurint aveu d’la chû ou bin don noir savon. El fin des fins
ç’atout d’lî mette ène pièce d’in sou trawé das l’fond d’ène assiette
plîne dè gruches. El Berdjolet plondgeout la tîte dèdas èt v’ramoûnout
l’sou atère ses dats. Djè sais bin qu’ces farces-là n’sant m’ à l’hounneur
des çounes qui les fayant, mais dè tout taps, mîme quand i-l est co
afant, l’ houmme ès’ complât à fâre souffri les pauves d’esprit.
Si djè v’raconte tout ça, c’est pou bin v’montrer què note
Deudeu, quand’ djè v’ dis qu’ i-l atout in pau drole, djè sûs co bin en
d’zous d’ la vérité. Èt pourtant l’Berdjolet qui n’atout m’ t’-à fât
coumme in aute, mi djè prètade qu’in djou i-l è eû in

31