Page 43 - Odeur des risons
P. 43
41
Nûtis d’cauchemar
Raclos das ine enceinte,
Herré pa des noires bîtes,
Les broyûs d’ la s’mine sainte
Crâquant, m’ broyant la tîte!
Les huches n’ouvrant su rin,
D’ bâreaux en toiles d’ arin,
D’ arantoiles en grilladges,
N’ a finit m’ èm’ voyadge!
Crapauds bavoux, gluants,
Rats, houlines, fourmillons,
Vîches, tout grouille pa millions
L’ tra qu’ hoûle in tchat huant!
N’ tchauve-souris dè s’ crotchet
M’grime, m’ agrippe p’ aux tch’foux!
Gueûle doûvîsse, in brotchet
M’ hagne aux douilles; djè d’vins fou!
Les lâdes bîtes perdant forme,
Les darus d’ Jérôme Bosch
S’mettant en uniforme;
Djè sûs pourchû p’ aux Boches!
L’ Gott mit uns su zoû panse,
I’ m’ clawant d’ zou fusique
Djè veux bâlli, dj’ panique,
Rin n’soûrte, n’arrête mes transes!
El slo, d’ ses lueurs,
Quand l’ djou s’ leuve, ém’ ravit,
Bagnant das ma chueur,
Ètounné d’ ête en vie!
