Page 46 - Odeur des risons
P. 46
44
Feumières
Mmoire, tè r’sènes à ène cram’resse!
Rin qu’ in pau d’ came, c’est tout ç’ qui m’ resse
Et don ciel blu èt d’ la noireur
Qui ant plâné su mes jeunes heures!
El bric-à-brac dè ma souv’nance
S’ couvrit d’ poussière coumme au guerni
Les varat’ries dè toutes prov’nances
Les hatut’ries, les djûs ternis!
L’ passé s’ macheure d’èpaisses feumières,
S’ voile coumme l’ètang d’ène varte cagoule
Où pîrce in œil – ène vié ampoule –
Pauv’ Cyclope boûgne, t’ es sas leumière!
Tout l’ hivr doût el lou-dormant,
N’ centîne d’ annâyes la belle princesse!
Mais pou ravir in brin d’ jeunesse
Djamâs n’ venrè in Prince Tcharmant!
D’ mes djous anciens, l’ blé est fautchi!
Pou les tchanter, à moiti choûrdes,
Des violons, Verlaine, les coûrdes
L’eune après l’aûte avant lautchi!
