Page 21 - moreaux-m--Rec2

Les frambâjes (myrtilles)

Dj’a-n â tant dit, dj’a-n â tant fât.
Qü ces djous-ci dj’atous binâje
Quand i m’est sautè à l’esprit
Du composer d’sus les frambâjes.
— Mi, dju n’seûs m’ coumme les grands auteurs
Qui fant s’l’amour des mille tchiansans!
Dju vus tchianter c’qui m’tint au cœur
Su des sudjets tous diffèrents.
................................................................

— C’est à fin juin, début juillet
À fât qu’la f’nau est terminâye
Qu’les caravanes pou la forêt
Partant, souvet pou la djournâye.
Avant, an s’arè renseigni
Pou vite trouver les milleures places.
C’est qu’il a faut pou z’a pégni
Eune grosse säye vraiment à rasse.
................................................................

C’est gai d’dès l’bos èt du qué cœur
An tchiante, an rit t’à s’carouyant
D’zous les hates an z’è en chueûr
Et an s’macheure les gadins blancs
An cude t’a guettant si l’niveau
Des frambâjes monte d’dès la bassine
Du tèps à aute an print in r’pos
Pou su r’dressi in poû la chine.
Les ramasseux qu’ant d’la pâtience
Plutchant subtil’ment des deux més
C’est pu prope; – la machine balance
Feuilles èt houlines; c’est pus vite plé.
................................................................

-19-