Page 23 - moreaux-m--Rec2
P. 23
À la fanténe
Çü n’est m’ la poûne là, mi dj’vus l’dis
Pou voir des r’vues d’aller päyi.
Dj’ans mieux tchiuz nous, d’dès nos villadges
D’dès les fanténes. Ah! Qué ramadges.
— Pou bin counnette les évên’ments
Etrèz in poû, v’srèz au courant.
V’ôrèz causer d’tous les sujets;
Soit en patois, soit en français;
Les faits divers, la politique
Bin mieux traités qu’dès les chroniques.
Et d’sus la môde dan, qué malheur!
Elles ramadgant co bin des heures...
Si ç’atout co pou dère du bin!
Nenni, a lavant leus gadins
Ell’s noircichant, à médisant
La bounne rèputâtion des dgens.
Dju l’â dit; c’est des vrais gazettes
Elles nu tâjant m’ leu margoulette!
Et c’est toudjou bin officiel,
Tous les ramadges confidentiels!
«Arins-ve oï dère d’dès l’villadge
Qu’la Marie fât mauvais mènadge?
El Henri frèquente, soi-disant,
Avu la deuxième du Gros Djean!»
«La Julie toûne co bel èt bin
Après l’Èdouard qui s’a fout bin !
Elle è toudjou des nouvelles cottes,
Mu dèrins-ve bin çu qu’elle fricotte?
-21-
