Page 48 - moreaux-m--Rec2
P. 48
Les boudins
(chanson)
An sait bin qü l’pouché est niche,
Mais ca dègoutant qu’i-l atiche,
Tafât du la queuïe au grougnan
S’utilise d’dès les pouchlans.
Les gosses raffolant des inglettes,
El’ pichlot, c’est pou les souyettes,
Avu ses tripes pou les voisins
An fât bin dix mètes du boudins.
El boudin, vraiment dj’a raffole
Afant, quand dj’allous à l’icole,
Si dju l’nodous tchûz nos amis
Dj’y restous dîneï à mîdi.
Et si l’avint au lieu d’la panne
Mins tout cabus d’dès les organes
Dju d’jous : aneû si c’est carême
An pu z’a médgi, an n’pèchrè m’!
An dit qü l’boudin tint l’corps libe.
Mi dju crois bin qü ça cons-tripe!
Pourtant l’estoumac doit avoir
Âgi avu du boudin noir.
El blanc çu n’est-me la méme affaire
Et les idées noires à l’arrière
Ca. Ca oh ! quand i su r’trouvant
An n’sait pus voir lu noir du blanc!
Quand an s’a n’est foutu eune bosse
An z’a pôrte à la mère Gogosse
An sait ma foi, qu’an z’a r’arè
ln grand tchiu sitôt qu’elle tûrè.
-46-
