Page 35 - La boot dè sau - Cafè Suisse

In soldât allemand

El Cafè Suisse, à l’aute guîrre, la çoune dè quatôrze, atout l’cafè
d’la jeunesse. Ç’atout aussi l’locâl dè l’Union, ène des trois ou quate
èquipes dè fot’-balle don villadge. C’est v’dère s’i avout don monde
tchûz m’ grand-père François, l’ vanni. Coumme ma grand-mère atout
n’bounne feumme, ça lî arrivout souvat d’dère en s’mîne : «Mes afants,
vès n’atez m’oblidgis d’boire. Wardez vos sous pou l’ dimatche».
C’est vrà qu’pachoüne èn’ travaillout. Pou passer l’taps en
quatôrze-dix-houit, avant l’ Meldéam èt la dèportâtion, on djouout aux
cârtes, au whisse èt au piquet.
Vènout pourtant au Cafè Suisse, in soldât allemand qui s’meulout
aux civils et djouout aveu zous. I-l atout interprette à la Kournan-
dâtour. Es’ nom? Lévy. I-l atout Juif lôrrain.
À la guîrre dè septante, quand les Allemands avint prins l’Alsace
èt la Lôrrîne, i-l avout resté su place pou warder les bins d’ la famille
don coté d’ Thionville. Mais tout l’rèche de sa parenté avout passé la
frontière putot què d’ dèv’nu Boches. Tous les frères don Lévy portint
l’uniforme blu horizon.
Les Allemands n’ avint n-osu mette el Lévy au front mi d’pus què
tout pli d’autes Alsaciens ou Lôrrains qu’ i n’trouvint m’ sûrs.
On atout au moument d’la bataille dè Verdun. El foûrt dè
Douaumont v’nout d’tchûr aux mîs des Boches. S’amounant au
comptoir, deux «varts-dè-grije». L’ inque qu’ avout n’sacrée treulâye
n’savout pus qu’rûter «Verdoun kaputt!», «Verdoun kaputt!». El
deuxième èn’ crâlout m’. Tout d’in côp, coumme el premi
r’coummaçout s’ ramadge «Verdoun kaputt», l’aute dè lautchi : «Tais
donc toi, l’Français t’pisse bien dans l’œil!».
Djudgez d’ l’effet! Toutes les taulâyes ant l’vé l’nez. In djouà d’
s’arrêter d’ machi, l’aute dè bailli, toutes les tîtes toûnâyes vers el Lévy
qui mette fin à la seurprîje : «Ne craignez rien, les amis, c’est un
Lorrain» èt tout l’ Cafè Suisse è respiré.
L’histoire pourout s’ arrêter touci. Pourtant pusquè dj’sûs à
v’vanter la Lôrrine, i faut qu’ dj’ adjoutiche âque. Quand’ dj’ ans
èvâcué en quarante en Côte d’ Our, in djou qu’ dj’atins à Tchatillon,
la feumme de l’Arnould Bonbled nous dit qu’ in houmme nous
d’mande, das n’téle ruâye, tél numéro : ç’atout l’Lévy alité, à la

33