Page 57 - Odeur des risons

55

La m’chon d’Quatôrze

Au mois d’äoût, su l’ Plat dè B’haût,
Les rabourous riant, comblés!
L’ cawin au bec, das zoûs tchamps d’ blé,
I clignant d’ l’œil au s’lo t-en haût,
L’ sèlo qui rade les èpis loûrds,
Et i sondgeant, r’wâtant zoû m’chon,
P’ au vat ployant, prinje dè fruchons :
El grî dè B’haût, c’est des louis d’ oûr!

Au mois d’ äoût, su l’ Plat dè B’haût,
À la Tchavâye èt aux Carbeaûx,
À la Ronde Taûle, Rôsîre, Tchampîte,
D’ zoûs pompons blus, d’ zoûs roudges cocârdes,
Das les tchamps d’ blé, guirlandes d’ embardes,
Bluets, pavots mettant la fîte!
Les marguerites qui s’ y meulant,
S’rout-on l’ quatôrze don mois d’avant?

Au mois d’ äoût, su l’ Plat dè B’haût,
L’ alouette monte, monte sas cranter!
Au d’vant don s’lo qui lut t-en haût
Das l’ blu don ciel, s’ mette à tchanter!
Les blés sant meûrs dit sa tchanson,
La m’chon proumette, en aout quatôrze,
Grî plî l’ bitchet, oûr plî l’ posson!
L’ taps est si bî, mais c’ est d’ alôrse...

L’ vingt-deux d’ äoût, su l’ Plat dè B’haût,
Bluets, pavots das les tchamps d’ blé,
L’ tra d’ la nûti avant doublé!
L’ brouillârd tchessi p’ au s’lo t-en haût,
Des tuniques blues, des culottes roudges,
L’ doquet viquant à poûne s’ i’ boûdge
D’ la Tchamberlîne à Hondrigny
Què l’ canon boche d’lez Harpigny!