Page 35 - Pa-d't'avau-les-autes-côps

D’rî la holière

ju l’ savous bin, savéz-v’, qu’elle pas’rout pa vau-ci
Et mi, sé fâre mèssiant èt co sé rin lî dère,
Dj’ avous cheû la vouyette èt peû dj’ m’avous catchi
Drî la holière. 21

5. Ah! vous n’ saréz jamais coumme dju m’impâtientous,
Coumme les heûres atint longues à r’wâtî la vouyette
Pou voir y dèbusquèr, du d’ pus lon quu dj’ pôrous
Ene grande fie toute vicante, si fine d’zous sa hâlète.

Quand’ dj’ l’à veûe aprotchi, dj’avous l’ cœur si sârré
10. Qu’ dj’arous bin v’lu m’ sauvèr coumme si djavous mau fât.
Mâs faut croire qu’ an s’comprint avant quu du s’ causèr :
Elle n’atout m’ ètounâye mème du m’ trouvèr tout-là.

Et dju lî prins les mês, dju lî â dit quu dj’ l’aimous,
Qu’elle atout la pus belle èt co la pus dgentille
15. Et quu dj’ pass’rous v’lètî aveu lîe tous mès djous,
Qu’a nous aimant, nous deûx, dju s’rins mâtes du la vîe.

Coumme elle nu rèpondout m’, dju lî â d’mandè pardan
D’avoir dit d’in plè côp toutes ces tchôses quu dj’ sondgeous...
Mâs coumme dju lîe djeurous quu dj’ m’a vèrous bin lan
20. Ele m’è dit à brâyant : «C’èst vous quu dj’ ratèdous!»

2. Messiant: semblant.

33