Page 10 - Feux-d-holieres
P. 10
Holbrète
Dju n’seûs m’ davin, mais dj’gadg’rou bin
Qu’à pône atez-v’ à la creûjette
Quu v’vôrinz djè fâre el faquin
Èt, quu v’pèrnant pou l’pus malin,
Vous v’lez couri la dôripette.
Vous v’ croyez fèl – an n’vous l’mèttrè m’ –
Pou n’allèr batte la pèrtantaîne.
An veut sayi à toutes les crêmes
A s’dijant bin qu’i n’s’y pêr’rè m’
Qu’les aûtes pay’rant la fèrdôchéne.
Bayèz-v’ d’awôrde, savez-v’, holbrète :
Ç’n’est m’ toudjous la féte pou l’méme saint
Èt p’t-ête qu’in côp, dès la hossette,
Gn’arè pus qu’des pés èt des miettes
Èt v’ s’rez rougni paû tracassin.
Wâye, mais vormèt, tout dèlônè,
Ez-v’ djè vote saû d’vos amourettes ?
V’a-n ez yeù mout, v’ez trop roûlè,
Aneû, vote djeû est dèbrôlè...
An v’counut d’trop, vous v’ l’ez fât mette :
V’ n’ez pus qu’d’allèr r’quér vos mitchettes!
10
