Page 12 - Feux-d-holieres
P. 12
Aû culot
La bîje qui s’coiche pa d’rî les bos
Ragûje ses dets èt ses pinçans
Pou v’nu hagni des les bounnettes,
Hoûlant à mort coumme des hourettes,
Quand dès la neidge èt les glaçans
Les pîds s’tordant des les sabots.
Nez-a vit’mèt, nez-a, mes dgens,
Nez-a v’ assîr à note culot!
Dès la tchim’nâye, v’là qu’ça hourdelle,
La flamme clârtîe, l’bos dèpètrit.
Dju sète vôs més toutes arwadîes
Èt les fruj’lans v’fant tressaûtèr.
V’là l’tchiquet d’goutte pou v’ rachandi
Aveu ’ne jatte du boulant cafè.
Ç’qu’an baille su r’çoit aussi vlètî
Èt gn’è m’ dijette d’aûte pharmaç’rie,
Ni d’jette du note ni co d’dringuelle.
Hâye! à la note, tapans ça haût :
Oû ç’qu’an s’rout mieux qu’à note culot?
12
