Page 30 - Les paumes su les èteules
P. 30
Un souvenir heureux est peut-être
Plus vrai que le bonheur.
Alfred de Musset
La tchèpelle
A tchèpelle èst toulà aveu sès huches aû lôrdge
Coumme la mâjan d’ tourtous où-ç qu’ i fât bon s’assîr
Pou s’ rapâji d’ sès pônes èt pa des côps-z-î prîr
Pou les cés qui sant voûye èt qu’ an n’ è seû roublir.
La tchèpèle est toulà aveu ses huches aû lôrdje.
La tchèpelle èst toulà aveu sa Notre-Dame
Qui racude toutes les sougnes a tèdant sès deûs mês
Èt qui comprint mout bin peûsqu’ an n’ la preûne jamais
Sés r’trouvè n’ miette d’èspoir èt d’ alône pou l’ land’mé.
La tchèpelle èst toulà aveu sa Notre-Dame.
Dju m’ souvins d’ in bounheûr qui s’ è perdu dud’peûs...
A-n n’ez-v’ co la souv’nance pa des côps, vous ma belle,
Du djou qu’ au rez d’ la neût, pa d’dès l’ fond d’ la tchèpelle,
A nous t’nant pa la mê, dju n’ fins qu’ eune ombrièle?...
Ç’ atout note grand bounheûr èt dj’ l’ans perdu dud’peûs.
Dj’ â r’êtu n’ sacant’ côps m’ y rassir tout mêr-seûl
Èt dj’ y â dit ma pône a brayant bin souvèt.
Dj’ â prié pour nous, ma belle, dj’ â prié pou l’rutrouvè
Ç’ grand bounheûr èchamplè, (v’ a souv’nez-v’) d’in côp d’ vêt.
Dj’ y r’va co n’ sacant’ côps m’ y rassîr tout mér-seûl
Èlle est toudjous toulà aveu sès huches aû lôrdje...
Mâs si vous n’ l’ez-m’ roubli, n’ y r’vinrez-v’ mi jamais,
Si dj’ dis qü dj’ v’ y ratède aveu d’ l’émeûr tout plé
Et, coumme la Notre-Dame, a v’ tèdant mès deûs mês,
Aveu l’cœûr plé d’annoûye... èt tous les huches aû lôrdje.
28
