Page 38 - Odeur des risons
P. 38
36
L’djou coumme i vint
Qui donc dè vous m’ dèrè à quoi sîrve el bas d’ line?
Qué plâji qu’ è l’ rabitte d’ caressi n’ boûche trop pline?
Quand l’ Horace, lu, è dit : «Pernez l’ djou coumme i’ vint
Si v’ rèwâtez à l’ boire, en vinaig’ toun’rè l’ vin!»
Quand dè s’ coté l’ Ronsârd v’ è bailli à consé :
«Dèpitchez-v’ dè cueilli, en’ rèmettez m’ à d’mî,
Des fleurs trop vite fènâyes, les doquets à plînes mîs!»
Das la minute qui chût, ç’ qu’ i-l advenrè, ç’ qu’ on sait?
Bin sûr qu’on doit s’ warder ène poire pou les vîs djous,
En’ mi moûner sa vie grand train à caups d’ courdgie!
Quand’ on n’ sarè pus haye, faurè pourtant mîdgi!
Mais quand v’ arez passé, les our’ries, les bijoux,
Qu’ a farez-v’, dijez-me-l’? Allo, atère nous aûtes,
Arè râjon l’ dicton : in ètron vaurè n’ vaûte!
