Page 42 - Odeur des risons
P. 42
40
À la plîne lune
À la plîne lune, les nuadges vant
T-a s’ bousculant, jeunes vîs qu’ on laûtche,
T-a galopant, poulîs fous, gaûtches!
Dèvant la lune i’ s’ dènâvant!
Mettant à mûles pûs les dèfant,
Dressant des moûyes coumme à la f’nô,
Fant cul-d’-boûrî, fant cul-d’-bèreau,
Dèvant la lune, des vrais afants!
À la plîne lune pou mieux s’ fâre voir,
Blanc èchaûré d’vènu hardi,
L’ troupi d’ barbis s’ dèguîje en noir!
Avant l’ Carême, s’ rout-on Mârdi?
Veut-i’ s’ herrer su l’ loup au r’chî?
Ou bin s’ croit-i’ n’ sonre dè pouchis,
Ène hîrse dè gayes nodant l’ Sans-Nez?
Dèvant la lune l’ oûye-t-i’ coûner?
À la plîne lune, nuadges fant cranse
D’ dansi en rond coumme des sorcières!
Su l’ caup d’ minût, d’ atrer en transes,
Dèvant la lune, la grosse soupière!
M pètit afant qui t’ pûtchet tesse,
Doût bin pâjel : quand l’ djou les tchesse,
Ces darus-là qui fant l’ ronflant,
Dèvant la lune i’ s’ dégonflant!
