Page 21 - Marcel Moreaux-oeuvres-1
P. 21
Ml DJ’A D’LA VEINE
Mi dj’a d’la veine coumme in pendu.
Ça n’avance mi du trop s’vantei
Dju m’va seul’met vu racontei
Les tchances du m’tout dârnî vouyatche
Vu l’voirèz bin, c’n’est-me des ramadges...
Mi dj’a d’la veine coumme in pendu.
D’dès l’train m’coupon atout perdu,
El garde m’è fat seul-met r’pai
Deux coups l’billet qu’i m’è r’bailli.
Il arou pu m’fâre rutôuneï
I m’è lai continuei...
Mi dj’a d’la veine coumme in pendu.
En ville dj’a cru qu’dj’atou foutu,
Dj’a ètu prins pa in auto
Qui m’è dèchèrè tout l’paltot
In aute, trénè pa in taxi
Arout sûr’ment ètu occi...
Mi dj’a d’la veine coumme in pendu.
Dju monte d’dès l’tram’;
A pôene dussus, An m’è enl’vè ma mont’ en or.
C’n’est rin, ç’arout ètu pu fôrt
Si an m’avout nettî m’porte-fuïlles
Dj’l’a chappè belle; I n’è m’ eu lüye...
Mi dja d’la veine coumme in pendu.
Pou r’gégni c’qü dj’avou perdu,
Dj’ètère au cafè d’in copain.
Dju bois deux gouttes au lieu du vin.
Coumme dju n’â m’ ètu ramassi,
Bin c’est mille francs qü dj’a gégni...
Mi dj’a d’la veine coumme in pendu.
-21-
