Page 25 - Marcel Moreaux-oeuvres-1
P. 25
LA PLACE D’DÈS LA VIE
An n’tint m’ grand place d’dès la vie
Quand an s’voit p’tit coumme an z’est.
A la vitesse qu’an vint vî
C’n’est rin d’nous, dit-an à r’gret.
Si an passe co l’existence
D’in flemmard sés grand rend’ment,
An n’mèrite méme pus la tchance
D’in souv’nir rucounnuchant
An tint sa place d’dès la vie
Quand an vu, pa ses moyens,
Fâre hounneur à sa famille
A s’ramassant in p’tit bin.
An z’est put-ête ègoisse,
Aneu, hélas ... c’est courant.
Pourtant an z’è lu bènèfice
Quand méme, des r’grèts, à partant.
An tint grand place d’dès la vie
Quand an z’est tout dèvouement
Quand an baille à qui mendie,
Souladgeant les indigents.
Quand an pu t’nu la téte haute
Qu’an s’est consacrè au bin.
D’ète vènèrè en boun’ apôte,
An l’mèrite, c’est bin certain.
-25-
