Page 27 - Marcel Moreaux-oeuvres-1
P. 27
EL CARBEAU ET L’RUNAUD
In vi crasseux carbeau
Pèlè, rougneux, plè d’maux,
V’lout s’a fourèr eune bosse
Au coin du bos d’la fosse
Ca d’dès su bec i t’nout
In froumadge qui puout.
In vî ch’napan du r’naud
Detchèssi d’Bertauvaux
Vint, r’niflant conte lu vèt
Pou rèstè en arrêt
Quand i voit l’noir carbeau
Pertchi pourtant bin haut.
································
Bondjou, là, bé djacot;
C’est bin vrâ tu viques co?
An t’avout dit crevei
Du vieillesse, pa d’dès l’wei.
Les dgens sant bin menteurs;
Ah ... les varas d’blagueurs.
T’es n’mine du rècollet,
T’agraches su l’ban d’villet.
Tu fârès co des nids
Ca t’es bin radjôni.
Si dj’avous t’n’estoumac
Dju n’arous m’ l’air d’eune braque;
Si dj’avous tes belles pleumes,
Dju n’arous pus la rheume;
Avu tes habîments,
Coumme dj’èpatrous les dgens
Et peus, l’ami, dju gadge
Qü ta voix vaut t’pleumatche
C’est l’hounneur du ta race
Du l’posè aux agaces...
Tu l’mèttes sûr’ment sé pône
-27-
