Page 12 - La boot dè sau - Cafè Suisse
P. 12
Nawé è v’nu
Nawé va vnu!
L’ hivîr menace
La vie tenace
Des tchamps tout nus.
A blanc-ètoc,
L’ bos cîde sa plâce,
La ronche remplace
Les tchînes auss’tot.
Coumme li, m’ dèchère
La catin d’ guîrre
Qui anichère
Les hoummes su tîrre.
Nawé è v’nu!
Tout va tchîdgi.
A-n est tcherdgi
L’afant tout nu.
Nawé è v’nu!
Pus rin n’menace
L’espoir tènace,
L’bounheur tout nu.
Què n’ savout-on
Qu’ les fous sant rois
Et loups gloutons
Note tchemin d’croix!
Sounne el toscin
Et sounne el glas
Toudjous vè-r’là
Nos assassins!
Nawé è v’nu
La guîrre tenace
Dè moût menace
Nos courps à nu.
P’aux épinçons,
El blu aux doigts,
À m’coeur el froid
Pade ses glaçons.
10
