Page 17 - La boot dè sau - Cafè Suisse
P. 17
L’aterr’mat d’la princesse Grâce
Dj’ â vû in prince crier à l’atermat d’ sa feumme,
Dj’ à vû n’ princesse crier drî l’cercueil dè sa mère,
Tous deux ployis d’tchagrin coumme d’zous l’poids d’ène acleume
Èt l’orpheline pus foûrte sout’nu maugré tout s’père.
Dj â vû in prince crier coumme el pus p’tit ouvri,
Sa fé veilli sur lu, dè s’ règârd el couvri
Quand, perdu, tîte vûde, roubliant ès’ moutchoi
I-l è chué ses lârmes don dos d’sa mî, d’ses doigts...
Pou z’a-n aller, v’arez in pau ou tout pli d’ monde,
Ène messe à trois queurès ou l’darin des vicaires,
N’ cathèdrâle, ène tchapelle – c’ est toulà vote affaire –
In vachî d’acajou si l’ sapin èv’ fât honte,
Don mârbe blanc, d’ la pierre blue ou d’ la noire tîre don bos
Au çoum’tière das in coin ou l’long d’la grande ollâye.
Qu’ impoûrte! L’ ÈGALITÉ, la seûle qu’ on è pou lot,
C’est l’tchagrin, la douleur des çoux qu’ pa drî on lâye.
Les lârrnes des ritches, des paûves coulant aveu l’mîme sé,
La vraie fosse pou nos moûts ès’ crûse au fond d’ nos cœurs
Et ti souv’nance, tènace, la nûti, d’ boque les heûres...
Djè n’ à vû rin qu’ in houmme crier s’ bounheur passé!
15
