Page 19 - La boot dè sau - Cafè Suisse
P. 19
Ça roûle das tous les sens
Pierre, tè rachignes la pierre qui roûle!
Tène èt pâlot, d’ farine la goûle,
Su t’ courps n’ è pus qu’ la pî, les osses,
Pierre èm’ n-ami qui roûles ta bosse!
Faurè tchîdgi t’ fusique d’ èpaule,
N’ mi marader d’ène pougnie d’ blosses,
Pou dgîte, lautchi la grîdge, l’ètaule
Si t’ souhâtes in djou roûler carrosse
Dè l’hounît’té quitter les boûrds,
Coumme maquignon roûle sa pratique,
Vade pou don nu l’ fond d’ la boutique
Si l’envie t’prend d’ roûler su l’ oûr
Aveu t’patron, quand i-l èclaire,
Rouler la boule aux guilles t’ vourous?
«Pierre» i t’ dèrè, roûlant les rr,
«Roûle mais t’confesse, n’ fâs m’ el naroux»
Dè l’ rètrouver, si ça t’ presse foût,
Roûle en auto, roûle el tounnerre,
Roûle bâls èt fîtes : feumes, toubac, verres
T’ bârant la tchance d’ ête pus vite moût!
Mais tè m’rèpondes què l’paradis
C’est su la tîrre n’pont s’ fare dè misse
Ça t’plât d’roûler, chère bîte-à-vice?
Bin si ça roûle, rin djè n’ t’ â dit!
17
