Page 15 - La boot dè sau - Cafè Suisse
P. 15
Amourette à la m’chon
Quand su l’tchamp dèlâyi sant tcharis les dîjis,
Qu’on è brûlé l’ètoûle coumme on wâme les bûjis
Èt qu’ pa la f’nîte dgerbresse on è fat d’afoûner;
Qu’el guerni agavi èn’ sait pus dère pî,
Rassasi don froumat qu’ on li è amoûné;
Quand la m’chon batte ès’ plî, quand la grîdge batte ès’ grî,
Ècoûtez su l’ tarî, l’flayi boquer, boquer,
Erzombant pou mieux r’tchûr su les dgîrbes bètch’vessites;
Ècoutez su l’ tabâ, dègaffâyes, ravûchîtes,
S’arrêter d’rire les fés, zoû cœur ploquer, ploquer
Èt les djon’ hoummes tanfler coumme el choufflet d’la foûrdge;
Ècoûtez les glouglous des bouteilles dè bière d’oûrdge,
Les tchansons qui cheujant, tchaquin tapant des rnîs
Quand la m’chon batte ès’ plî, quand’ la grîdge batte note pî!
... Mais in djou l’ flayi crante; don grî qu’on è vanné
S’ avolant les florettes das l’ vat à s’moind’ fruchon;
Ès’ rapâjant les cœurs quand les coûrps sant tannés.
Amourette ès’ couvrit auss’tot l’lond’rnî d’la m’chon
D’la fine poussière dorâye qu’on voit p’aux tabatières
Dèchade, poûre à tarnir, das l’ ombe des tèchelières.
13
