Page 20 - La boot dè sau - Cafè Suisse
P. 20
La fourdge don diabe
D’vant la flamme roudge don fû, traqué pa la noireur,
S’décôpe, viquant cauch’mâr, in lâd boitoux d’ marchaû.
Das sa vié fourdge maudite què vite la crasse des meurs,
Tant qu’ i peut i martôque su s’ nacleume, el fîr tchaud.
Té t’herres ét tè t’acharnes à v’nu au tchu d’ l’ouvradge,
Les rigoles de chueur èt’ crûsant t’ masque de chû,
Les pètons èr’zombant cont’ el cûr dè t’couchu
Et das t’ n-œil où ç’ qu’ i lwate, on davine in oradge.
Pouquoi tant t’ dèpîtchi, pouquoi tant penre dè poûne,
Ti qui ès l’âme pus noire què la bôre où ç’ què t’ viques?
Ti qu’ès l’cœur aussi deur què l’ uté què t’ fabriques,
Qué mauvais côp t’rumines, Satan, pou pîrde l’ haloûne?
Rapâje-te, n’ tè presse mi d’ fordgi mes clôs d’ vachî;
Eteinde èt’ fû, chouffèle, tes clôs t’ vas les warder!
Tchû l’menuji, èm’ coffe, tchû l’ chârron l’darin tchî
N’atant m’ prettes; à Cruv’cu ma fosse peut rawarder!
18
