Page 12 - Odeur des risons
P. 12
10
L’imâdge dè ma mère
Trînant su l’ aci grîje dè la rivière sauvadge,
Em’ rêve heurû s’acharne à dessiner t’ portraît.
Mais l’âwe, ès’ règrettant, châwe èt rèchue tes traîts
Pou emporter bin lon les dèbris d’ ses ravadges.
Ene seconde rèt’nant l’ œil, flottant les hîrbes en fleur.
On croirout su l’ moument voir tes tch’foux dèloyis
Quand’ tà r’nawous t’ chignon; mais las cè n’ est qu’ in leurre
El passé s’rout-i moût, s’ arout-i donc noyi!
El mârb’ des monuments, les doquets au çoum’tière
N’ m’ âdant m’ à la Toussît d’ zoû glorioûse tritch’rie!
Pourtant, si-est, ma mère, djè t’ rètrouve tout entière :
Quand m’ cœur batte la berloque a rwâtant ta boutch’rie
Où, pou t’ sout’nu p’ au froid, t’ bouvous des plînes caf’ tières,
Pa drî t’ comptoir, ta vie, tout-là t’ n-imâdge èm’ rit!
