Page 15 - Odeur des risons
P. 15
13
Grand-mère Guiguite,
grand-mère «Villette»
Si djè n’ t’ à wà couneu, ô ma grand-mère Guiguite,
El pau qui m’ rèvint d’ ti s’ alleume dè ta tenresse,
Quand das t’ dgèron coyi, tes mîs m’ fint des caresses!
Pourquoi è-t-i’ follu què tè m’ quittiches si vite?
Si djè m’ souvins bin mieux, ô ma grand-mère Villette,
Et des vaûtes èt des wâfes dè ma Gènie Galette,
Dj’ â pourtant à mimoire, quand’ à l’asile di’ allous,
D’ in p’tit tupin d’ lât d’ gaye qu’ è fât bin des djaloux!
Djè t’ rèvois aux «Hosties», nous apportant l’ dîner,
Au mîtan des crombîres das les satches èt les banses,
Et’ noir pani en saû à t’ bras croisant ses anses :
El cont’nu d’ ta marmite, tè m’ bous à daviner!
Assûte su ta brouette, oïl, c’est ti mère Guiguite!
Mais la bârrière d’ acens, quand brûlant les favas,
Dindjà m’ catche ta souv’nance; l’ passé tchambrit, s’ a va!
Pouquoi è-t-i’ follu què tè m’ quittiches si vite?
