Page 18 - Odeur des risons
P. 18
16
La majon aux pids das l’âwe
Ma mâjon r’wâte das la rivière
Pa ses deux fnîtes dè la cujjne!
El gros feumoir djaloux d’ l’ ujine
Tère ses bouffâjes coume ène soupière!
Ma mâjon piche das la rivière
Pa la goulette en plomb d’ l’ âwû!
Em’ gachon pêche, soul’vant les pierres,
À la fourtchette pa d’ lez l’châwû!
Tchaquâs èt lotches, djaûnis, pareil,
S’ foutant bin d’ lu èt d’ sa bouteille :
Des rèches d’ assiettes, fayant bombance,
Tout agavis, ant la grosse panse!
Pèchon qui tade das la rivière,
– Si l’ ochon d’ pî n’ catche pont d’ ham’çon –
Baille-te d’ awârde, das zou çoum’tière
P’ aux fnîtes volant les tchus d’ casson!
Ma mâjon rit à la rivière,
À ses ramadges, à ses caprices!
Ma mâjon bagne das la rivière,
Das la Noire Awe aux hîrbes fleurisses!
