Page 22 - Odeur des risons
P. 22
20
O-ïl! Saint-Mâd s’ annoûye, dèserté d’ ses vannis,
Dèlâyi d’ ses afants qu’ an’hû l’ progrès bannit
Vers les feumières des villes, ô pauves âmes dènortâyes!
Et mi djè m’ rougne les pougnes au vûde dè sa grand-place
Et les lârmes èm’ perlant èt el fruchon èm’ glace
A ramore la souv’nance d’ ène couche djoie d’ avortâye!
Qu’ on m’ radiche ma p’tite sœur, dè m’ grand-père la boutique.
Les bottes dè saû trapant, à Crûv’cu à longues files,
Les courounnes dè risons ès’ balançant aux fils
Et les gesses des risoûses das zoûs bannettes antiques
Et pûs m’ pètit risû fât su m’seure pou in gosse :
Atère hier èt d’mi, vè voirez bin si dj’ hosse!
