Page 26 - Odeur des risons

24

À la Noire Nût

Quand mes œils grands douvîs sas l’ voir fix’rant l’ sélo,
Das les hâyes, noire èpine, mariâye das ta cotte blantche
À rade djaloux au bos don muguet les guerlots ;
Et vous ç’rijis en mai, vos fleurs roses plî les brantches
Coumme dragées d’ batijârde, bounheur qu’ on èchampelle
L’ dimatche après les veupes, qu’ au marader on r’ troûve
Dèvant tchaque invité, atère les rouillots oûves,
Les doubes galettes dè suc’, su la ronde tôle don pèle;
Èt vous les roses d’ èm’ méche, don sang qu’ ez la couleur,
Si belles qu’ à v’ rèwâti, dj’ a roublie mes douleurs;
Quand m’ règârd grand douvri èn’ voirè pus Saint-Mâd;
Què l’ çoune qui fât les trôs su s’ liv’ m’ arè inscrit,
Vous les fûs d’ artifice, les roûyes dè Saint-Bernâd,
Les lantînes vènitiennes èt les rubans d’ conscrits,
Les masques dè mardi-grâs, carroussel des souv’nances,
Tous les plâjis d’ mes œils erzombant hours l’ afance,
Quand s’ nûti-là venrè coumme vènant les voleurs,
Vè n’ s’rez pus qu’ la noireur d’ ène dèpasse ou d’ ène câve!
Mais quand toûn’rè au grije, el ciel avant l’ malheur,
Avant qu’ la noire nût n’ souche, sarâ-dj’ èm’ montrer brave?

El djou qu’ djè n’ t’ oûyerâ pus hipper d’ rire, èm’ gachon
Ou têl in orgâmus tchanter ta djoie d’ viqui,
Pou l’ plâji, sas savoir ni pouquoi ni pou qui ;
Aux fleurs dè la rivière ou à ses p’tits pêchons,
Ramadgi vote bounheur, mes rout’lets, mes hotche-quoues;
Djouer à la catcha t-a chinant d’ mi l’ coucou;
Què, mualle, ma Noire Awe, ti qui m’ è tant bîchi,
Dèzous l’ pont don moulin, avant d’ tchûr à la goffe,
A m-n oreille dèv’nue choûrde, t’ arès fât d’ bardachi;
Quand on m’ arè clawé l’ coûchi don dârin coffe,
Vous, l’ oûrgue dè Barbarie, el piano mécanique
Et vous toupies ronflant, gonflant l’air plî vote tîte,
Tutûtes dè mi-carême, accordèons des fîtes
Aux bâls don Georges Baccu, don Tchaplet, don Ninic’,
Coûr, piston dè m’ grand-père au kiosque des souv’nances,