Page 32 - Odeur des risons

30

Cè n’ est qu’ in pèle bin tchaud coumme dèdas n’ sâlle d’ attente
Et d’ fâre el grand voyadge, deux vieux sant su la pente!
O-ïl soul’mat zoû train, i’ nè l’ prenrant m’ assène.
En raque en noir su l’ quai – on hutche ça tragèdie –
L’ malheur dè d’vènu veuf vèlà à quoi ça r’sène!

C’ est ç’ què les deux sondgeant sas qu’ in mot n’ atiche dit,
Lî qui coûse èt racotche, lu qui feume èt qui heume!
Qui s’ a vèrè d’ abord, l’houme pus halotche? la feumme?
Ène tchôse pourant est sûre : quand l’ premi s’rè passé,
El çoune qu’ arè resté dourè s’ fâre ène râjon!
S’ i plant an’hû s’ âdi. i’ n’ sant pus foûrts assez
Pou pouvoir dèmôrer inque tout seûl das n’ mâjon!

Èchaûré d’ ête à dgîne, das la peur d’ahaler,
D’ ête dèhouilli pa n’ bru ou dégrougni d’ in dgenre,
Pou l’ père coumme pou la mère qu’ les afants r’sougn’rant d’ prenre,
I’ n’ rest’rè pus qu’ l’ hospice coumme seûlle place à n-aller!

Cè n’est qu’in pèle, ma foi, qui moûrt, c’ est bin certain!
On dèmont’rè l’ aumâre, les meubles s’rant partadgis.
La grande hourlodge ancienne, avant d’ dèminadgi,
Lî qui è tant souné, des autes marquant l’ destin.
Pou lî-mîme elle boqu’rè, elle rèpèt’rè s’ malheur
Et pûs on l’ arrêt’rè, lî don pèle qu’ atout l’cœur!