Page 16 - Feux-d-holieres
P. 16
La méme riole
N’faût m’ su rafir langtèps d’avance
D’ène belle djournâye tant qu’elle n’est oûte
Ca co t’ t’aû pus s’la dàrnière danse
Nu s’djoûe m’ tout nèt’ coumme an l’ècoûte.
Quand an s’croit chape des aguyans
Èt qu’an coummèce à s’rapâri,
Quand an r’croûye djè su des papis
Les cantes des sous qu’an va r’gâni
Èt qu’gn’arè pus qu’à rèpaûgni,
An risque souvèt du s’fourbouyi :
Djean-rabat passe dès les crouyans.
L’maraûd è l’air d’avoir bounne mine,
An lî fât féte, i seume la tchance.
Pourtant an n’sait çu qu’i gumine
Méme quand c’est lu qui mône la danse.
La viole djoûe co pou les tch’faûx d’bos
Mais c’est toudjous la méme riole :
Atère la dicâsse èt les r’nots
I peut r’tônè sa camisole.
16
