Page 19 - Feux-d-holieres
P. 19
... Car nous sommes toujours un peu chez
nous là où nous avons beaucoup souffert.
Julien GREEN
Souv’nances
Dj’â tu m’rassir tout seûl aû culot d’la mâjan
Où-ç’quu dj’atous des l’tèps l’afant qu’an caressout
Où dj’atou si binâje a sondjant qu’a crèchant
An s’rout fièr du m’ hutchi «note houmme» a s’rudressant.
Mi qui croyous r’trouvèr des racoins bin pâjôles
Aveu des masses du sondges èt des traces du bés djous,
Dj’ n’â ieû qu’à clôre les ûys èt d’ m’appoûyi s’la taûle
Pou z-y voir s’y rassîr tous les cés qu’ dj’y aimous.
Leû vûe m’è glacè l’cœûr èt des fruj’lans d’chueûr
M’avant couri dès l’dos coumme si dj’avou douvri
L’huche des transes èt des sougnes d’ène paûve mâjan d’malheûr.
Pourtant ç’atout tchûz nous, tourtous y ant mouri
Èt dj’les brâ co toudjous èt si dj’m’ a r’va t’ t’à l’heûre
Ça d’meur’rè co tchûz nous oû ç’quu dj’ans mout souffri.
19
