Page 21 - Feux-d-holieres
P. 21
El lîve d’heûres
Ç’ n’est m’ in bé lîve du flaûves quu dj’â r’trouvè t’t-a-l’heûre
C’est l’live où à la croûye s’inscrivint les lâds djous,
Les djous oû les grands dûils douvrint l’huche aû malheûr,
Malheûr pou l’inque ou l’aûte més qu’tout tchèquin r’sètout.
À pône rumins d’ène transe qu’a rarrivout in aûte,
À pône rupèrnout-an su-n halône èt s’couradge
Qu’an r’tcheûjout s’ ses mutés a s’rufayant ’ne rizôde
Èt pèchône qui v’soutint èt pèchône qui v’mènadge.
Èt c’est toudjous les p’tits quu les fôrts v’lant potchi.
C’est la pouille dèpleumâye qui ramasse les côps d’bèc
Èt les cés qu’an d’vrout pléde èt méme wâti d’âdi,
An dit co qu’ c’est d’leû faûte pou tout salamalec!
L’houmme est pire quu les bétes ca lu sait bin ç’qu’i n’fât m’
Èt ça l’ahale souvèt du voir des dgens à s’n-huche.
I vôrout les fâre tare èt peus s’bailli bounne âme
Méme a wardant l’blanc pé èt a n’baillant qu’les gruches.
21
