Page 25 - Feux-d-holieres
P. 25
Quand gn’avout co des les placârds,
Des grands linçûs pou les denrâyes
Èt des cèdris pou les buâyes
An s’dijout : «Ça, c’est des richârds.»
Les ènnâyes ant passè èt la vie è tchédgi.
Ni d’la tchanve ni du lin, an n’è pus v’lu seumèr.
Les dgens, pus grandiveûx, ant ieû belle du tchoisi
Tchûz les martchands d’la ville des toiles à ètrônèr.
Èt gn’è pus ieû d’ouvradge pou fâre viqui l’tèch’rand
Qu’pa des côps des vîes dgens qui v’nint co d’haût-aû lan.
Dj’â veû l’paûve lâd dèman, à djoque pa d’dès s’mèti,
Aveu s’grand noir tchèpé, qui rotchout la navette.
Dj’ l’â veû tèchi d’ses més èl dârnî d’ses cèdrîs
Èt, coumme s’ i-l a p’lout âque, qui nu l’fout qu’a catchette.
25
