Page 29 - Feux-d-holieres
P. 29
L’houmme m’è rwàti, r’niflant ses larmes
Coumme s’i-l atout atchîfèrnè.
— Vous v’nez, dit-i, du m’rutônèr,
V’ez gâgni, m’ fi, dju tcheûs les ârmes.
Put-ête quu dj’ s’râ co pus mér-seûl
A ranouv’lant toutes mes souv’nances,
Mais quand dj’tins ’ne mé, dj’roublîe mes transes
Èt dj’veux bin v’cheure coumme in aveûle.
Gn’a-n è-t-i t’avaû-là des dgens d’aû ré d’la neût
Quu pus pèchône nu rwâte, quand’ an n’les voit m’ avi,
À qui n’faûrout qu’ène mé p’t-ête pou les rapèchi,
Coumme l’houmme su l’apas d’ l’huche qu’atout si dènortè,
Qu’à fôrce du s’sête sèvrè d’tchaleûr èt d’amitiè,
Sandgeout à s’dèfini; l’houmme su s’banc qui bâayout.
Qui brâyout!
29
