Page 34 - Feux-d-holieres
P. 34
Faût co savoir wâti
Pa d’ri toutes les miséres
Coumme an voit tous les djous
Èt les rumeurs du guérres
Coumme an z-an-ôt partout,
Pus lan qu’ces més tèdûes,
Ces grands ûys affamès
Èt tous ces grands linçûs
Qui n’sant jamais rôtès,
Pus lan qu’oûte les frantières
Où tant d’dgens d’vant mouri
Ou d’fé ou d’frad, d’misére,
Faût co savoir wâti.
Faût co savoir wâti
T’aûtou pourtant ç’qu’est bé :
Èl sulo qui blowtîe
Èt cadjole les horlés,
Les djones qui r’fant leû nid
Quand ruflidjant les soils,
La neût des grands bèrdgis
Qui mèch’nant des ètoiles
Èt peûs l’soçon qu’an r’troûve
Lu qu’an croyout roubli,
Qu’est fidéle èt qui l’proûve,
N’est-ce mi tout ça la vie?
Pa d’zeûr les noires ranguénes
Des grands cris d’agonie,
Des horreûrs èt des scénes
Des clameûrs, des tûries
D’innocents supliciès
Blasfeumant, supliant
Èt jamais graciès,
Ni pére, mére ou afant,
34
