Page 31 - Feux-d-holieres
P. 31
Les billets bin r’passès, à plat dès l’noir pèni,
Elle s’a-n allout à pîd les portè tchûz l’notaire,
A sandgeant quu tchûz lu, i f’rint sûr’met des p’tits,
Avant qu’dès ses vîs djous elle nu ralliche les r’quér.
Ses neuveûs abusquès qui la voyint parti
S’dijaint bin, les varas, qu’elle les plaçout pour zoux.
Èt i riaint, pardjè – qui est-ç’qui n’a-n arout-m’ ri? –
Coumme tout plé, elle croyout qu’elle emport’rout ses sous!
Èl tèpss d’hutchi l’queurè èt ses caûs’m’t dère «oûye»,
D’in simpe misèréré, in bé côp, la v’la voûye!
31
