Page 36 - Feux-d-holieres
P. 36
Rôses du wayin
Maûgré l’hûjé d’wayin qui fat trèlèr les fûilles,
Les plaûves èt les rouzâyes qui dètrèpant les troches,
Gn’è, pa d’vè la Toussét, pou radoûci les duils,
Pa des côps des bés djous aveu du s’lo sés rûjes.
Dès l’méche, sus les rôsis, des boutans r’florichant.
I-s hèsitant pourtant èt n’su douvrant qu’à pône
Coumme s’i fayaint l’oursu à l’approtche des fruj’lans,
Pou deurèr pus langtèps, i rut’nant leû z-alône.
Ces dârnis boutans-là su leûs tiges avètâyes,
Qu’ant djè pèrdu leûs fûilles èt tant d’rôses en èté
Sant toulà maûgré les caberlâyes,
Couradgeûx, des l’espoir du co viqui langtèps.
Bin sûr quu ça n’s’rè rn’ zous, pardjè, qui s’rant les mâtes,
Les neûties sant djè fraîches èt fayant l’tou d’ l’hôrlodge,
Mais mi qui les counnus, qui lzs-aime èt les rwâte,
Dju les cudrâ, savez-v’, si l’hivér su raprotche.
Aûx preumières mouches d’Ardenne, dj’vèrâ les racassi
Pou les mette à flori èt z-a fâre in doquet
Dès l’pèle où ç’qu’i fât ban, èt dj’les âdrâ ainsi
À fâre deurèr l’wayin put-ête djusqu’à Nowé!
36
