Page 20 - Feux-d-holieres
P. 20
Pitit matchot
Quand’ an vint bouchi à leûs huches
Pou dèl qu’ant d’jette d’in paû d’âdance,
Pou dèl qu’ant fé, pou dèl qu’ant frad
Ou pou des aûtes qui n’ant pont d’toit,
Qui n’ant pus rin, pus rin qu’leûs ûys
Pou s’rucounnaîte èt brâre leû duil,
Gn’a-n è tamét’ qu’an sait d’avance
Qu’i s’dèqueûrant à côps d’aûlûjes.
Si pa des côps faût qu’i s’mantrinchent
(Zous qu’ant des mancés d’toutes les sôrtes
Èt du médgi à r’gu d’mujé),
Coumme s’i s’pûjint djusqu’aû muté,
A fant ’ne p’tite paût du ç’qu’i-l ant d’trop,
Du fâre des côps trop gros l’matchot,
N’faût m’ les z’y dère : «Bayez-v’ d’awôrde»;
Gn-è pont d’dandgi qu’i s’fourpougninchent.
Atère nous aûtes, çu n’est m’ mirôque
quu les esbroufes du ces bés Djôques.
Aveu leûs sous, leûs grosses bagnoles,
Ç’n’est m’ grand tchôse du leûs camisoles.
20
